[Malagasy]

Mahaliana ny mpikaroka maro eran-tany ny toerana tanan’ireo karazan’omby eto Madagasikara. Sehatra tafiditra amin’izany ny sosiolojia, ny antropolojia, ny etnolojia, ny fiompiana, ny fihariana, ny fandrahoan-tsakafo, ny fizahan-tany ... Avy any Inde hono no niavin’ireo omby misy trafo na omby gasy antsoina ho bos indicus na brahman, nahazoana ilay anarana hoe « barea », izay ahafantarana ny ekipa malagasy amin’ny baolina kitra. Ny omby tsy misy trafo kosa izay fakana hena sy ronono, antsoina hoe omby rana.

Nasain’ny orinasa Ambatovy nanao fikarohana tao Moramanga ny ICMAA tamin’ny taona 2011. Anisan’ny mpikaroka ny Dr Bako Rasoarifetra, loharano nahazoana ny voka-pikarohana nozaraina nandritra ny valandresaka nataony ny zoma 08 aprily 2022. Hita fa nampiasaina tamin’ny joro ny omby. Amin’ny Malagasy dia biby manankasina ny omby. Atao sorona sy joro amin’ny andro fandroana ny omby volavita na mazava loha, na mifahy. Ny Fanjakana no mampifaly ny vahoaka amin’izany. Nanaovana ala-faditra koa ny omby, izay sorona fifonana amin’ny Razana na Zanahary. Fanadiovana na famatorana izy amin’ny fanambadiana. Na ny famoran-jaza, na ny fahafatesana na ny fandevenana dia samy amonoana omby avokoa. 

Mariky ny fahefana, ny hasina, ary ny hery koa io biby io. Nasiana toaka ny tandrok’omby araka ny fomban’ireo ombiasy mpanasitrana sy ireo mpangalatra omby. Mariky ny harena koa ny omby. Hitantsika izany amin’ireo vola madinika sy vola taratasy. Amin’ny foko Mahafaly dia mampiseho ny fanirian’ny razana ireo tandrok’omby eo amboniny fasana, ary koa mpanelanelana amin’ny tontolo ara-panahy. Tsy misaraka amin’ny tsenan’omby ny tsenan’ampela, satria noheverin’Andrianampoinimerina fa any no mety ahitana ny andefomandry.

Efa tamin’ny taonjato fahafolo no nisy taolan’omby sy taolan’ondry teto amintsika. 20 sentimetatra ny halavany. Mpihinan-kena àry ny olona taloha. Indrisy anefa fa efa mihalafo ny hena ka kitoza roa sentimetatra sisa no roanjato ariary. Raha ny sanda ara-tsakafo mitondra hery entin’ny hena dia ambony raha ny vodihena sy ny trafony no resahina. Ny tongony sy ny vavany no tsy dia ampy sanda. Manana ny lazany ny varanga, izay hena tsara nozaraina nandritra ny andro fandroana. Ny hena tsara mbola manta dia nozaraina entimody. Hena ratsy no fiantsoana ny hen’omby amin’ny fandevenana, ary henam-porana no fiandrasana faty lena. Henan-doza no fiantso ny hena voalohany nohanin’ireo tsy matin’ny tangena. Ny trafon-kena sy ny setroka nandorana azy dia hoan’ny Razana. Na tao Ambohimanga, na tao Antsahamanitra dia izany no natao, ka naha lasa saha manitra, manitra emboka trafon-kena araka ny anarany. Ny tratran-kena sy ny karazany hafa kosa dia an’ny vondron’olona isan-karazany. Matetika ny lehilahy no mamono sy mahandro azy amin’ny fatana tokolava. 

Fadiana ny manome taovan-kena sy ny vorivorin-kena ho an’ny vahiny, fa natao hoan’ny tompon-trano ireny. Izay ilay mahatonga antsika hiteny hoe “Tsy ny tompony indray no tokony mangataka ny atiny.” Afaka tahirizina ny hen’omby na atao fakana menaka. Ao ny manao azy ho kitoza. Ao ny manao azy ho hanim-pitoloha araka ny firakarakarana sakafo nataon’i Mariette Andrianjaka, manam-pahaizana amin’ny fandrahoan-tsakafo nentim-paharazana. Vary gasy mena no aroso miaraka amin’ny hen’omby fa tsy vary fotsy. Mbola voatazona ankehitriny ny fahandro toy ny hena ritra, ny hena alain-drony, ny kitoza, ny hena misy fangarony, ny tonon-kena.

Hita amin’ny Ohabolana Malagasy fa manan-danja ny omby. Santionany ny hoe :”Omby mahia tsy lefan’ny namany”, “Aza manao toy ny lelan’omby, ka sady mitsabaka ny am-bava no mitsabaka ny an’orona”, “Tolo-kena maty jiro, ka ny vitana no andrasana”. Raha ny fomba ary no jerena dia misy ny ampahany tsy voatazona intsony vokatry ny fanatontoloana , ny fivavahana, ny toe-karena, sy ny toe-tsaina. Mihavitsy koa ny omby ary tandindomin-doza. Mbola manintona mpizaha tany maro anefa ny kolontsaintsika mahakasika ny omby ka mila anehoana fiheverana.

____________________________________________________________

[Français]

De nombreux chercheurs du monde entier s’intéressent aux espèces bovines de Madagascar. Des disciplines et des domaines comme la sociologie, l’anthropologie, l’ethnologie, l’élevage, l’industrie, la cuisine, et le tourisme sont impliqués. On dit que le bos indicus ou brahman serait venu de l’Inde, de ces appellations on en tira le mot barea qui est aussi le nom de l’équipe de football malgache.. Une vache sans bosse, qui est surtout utilisée pour sa viande et son lait, est appelée omby rana.

La société Ambatovy a invité l’ICMAA à mener des recherches à Moramanga en 2011. Le Dr Bako Rasoarifetra,qui figurait parmi les chercheurs, avait partagé les résultats de ses recherches lors de la conférence du 08 avril 2022. Elle est la principale source de nos informations. Il s’est avéré que les zébus avaient été utilisé lors des joro (cérémonie d’offrande de sacrifice).Pour les Malgaches, les bovins sont des animaux vénérés. Les vaches volavita, mazava loha,ou mifahy sont sacrifiées le jour du Fandroana (bain saint) ou lors des Joro. La Royauté avait pour devoir de s’occuper des festivités pour le peuple . Le zébu était également utilisé comme offrande sacrificielle aux Ancêtres ou au Créateur. La viande de zébu signifie aussi une purification ou une liaison dans le mariage. La circoncision, la mort et l’enterrement nécessitent l’abbattage de zébus.

Cette bête est aussi un symbole d’autorité, de dignité et de pouvoir. Les cornes du bœuf étaient trempées dans de l’alcool à la manière des guérisseurs et des voleurs de bétail. Le taureau est aussi un symbole de richesse. D’où sa représentation sur les pièces et les billets de banque. Dans la tribu Mahafaly, les cornes sur les tombes représentent les désirs des Ancêtres, et forment aussi des médiateurs dans le monde spirituel. Le marché de l’Ampela n’était pas dissocié du marché du bétail, car Andrianampoinimerina pensait que c’était là que l’on avait le plus de chance de trouver l’âme soeur.

Des ossements de boeufs et de moutons existaient déjà sur notre île depuis le Xe siècle. Ils mesuraient jusqu’à 20 pouces de long. Les anciens étaient donc de grands conssomateurs de viande. Malheureusement, le prix de la viande est si élevé que deux centimètres de filet de zébu coûte 200 Ariary.. En termes de valeur nutritionnelle, la viande de zébu est très nutritive, en effet des morceaux comme la bosse ou le rond de gîte sont riches en matières grasses. Par contre, des morceaux comme les crosses ou le museau sont de moindre valeurs. La jarre a la réputation d’être une bonne viande servie le jour de la baignade. Les restes de viande crue était partagée pour être ramenée à la maison. La viande de zébu servie à l’enterrement était appelée de la mauvaise viande ou Hena ratsy, quant à la viande servie lors du funéraille, il est appellé henam-porana. La première viande consommée par ceux qui ne sont pas morts de malnutrition s’appelait henan-doza . La fumée destinée à brûler la bosse ainsi que la bosse sont offertes en offrande aux Ancêtres. Tant à Ambohimanga qu’à Antsahamanitra, cela a été fait, et c’est devenu un champ parfumé, parfumé d’encens comme son nom l’indique. La poitrine du zébu ainsi que les autres morceaux sont distribués à différents groupes de personnes. L’abattage ainsi que la cuisson de la viande revient aux hommes, ils la font cuire sur un forneau appellé tokolava.

Il est mal aisé de servir les abbats et les tripes aux invités, en effet ces morceaux reviennent aux hôtes. D’où le proverbe malgache“Tsy ny tompony indray no tokony mangataka ny atiny.” ou litérallement ce ne sont pas les hôtes qui demandent à manger le foie . Le bœuf peut être conservé ou transformé en graisse. Certains le consomment en kitoza, c’est -à-dire en filet. Il est transformé en mets de choix selon Mariette Andrianjaka, experte en cuisine traditionnelle. Il est de coutume de servir du riz rouge et non-pas du riz blanc avec la viande de zébu. Des plats de viande tels que les ragoûts, les soupe de viande, les filets de zébu, ainsi que les hachis sont encore d’actualité jusqu’à aujourd’hui.

Les proverbes malgaches démontrent l’importance du zébu dans la culture locale. Quelques exemples sont à citer :”Omby mahia tsy lefan’ny namany” qui signifie qu’une personne se trouvant dans une situation financière délicate n’a pas d’amis. “Aza manao toy ny lelan’omby, ka sady mitsabaka ny am-bava no mitsabaka ny an’orona”, ce proverbe se dit des personnes qui jouent à un double jeu.“Tolo-kena maty jiro, ka ny vitana no andrasana”, cela se dit des partages qui se font sans privilèges. D’une certaine manière, quelques traditions ne sont plus maintenues en raison de la mondialisation, de la religion, de l’économie et des mentalités. Le bétail est également en déclin et en voie de disparition. Cependant, notre élevage bovin attire toujours de nombreux touristes et doit être pris en considération.